ՍԴ անդամների վերաբերյալ նախագիծը չընդունվեց. «Իմ քայլը» ձեռնպահ քվեարկեց

«Իմ քայլը» խմբակցության ներկայացրած Սահմանդրության մեջ փոփոխություն կատարելու նախագիծն Ազգային ժողովի արտահերթ նիստում առաջին ընթերցմամբ չընդունվեց:

Նախագծին դեմ քվերակեց 36 պատգամավոր, ձեռնպահ՝ 87, կողմ՝ 0։

Խմբակցության ղեկավար Լիլիթ Մակունցը հայտարարեց, որ, ըստ Սահմանադրության 202-րդ հոդվածի 3-րդ մասի՝ եթե ԱԺ-ն չի ընդունում Սահմանադրական փոփոխության նախագիծը, պատգամավորների 3 հինգերորդի նախաձեռնությամբ այն ներկայացվում է հանրաքվեի։

• «Իմ քայլը» ՍԴ անդամների վերաբերյալ նախագիծը կներկայացնի համաժողովրդական հանրաքվեի

ԱԺ-ն այս պահին քննարկում է Սահմանադրական փոփոխությունների այս նախագիծը հանրաքվեի դնելու մասին որոշումը։