«Սևիլիայի» մարզական տնօրեն Ռամոն Մոնչին արձագանքեց այն տեղեկություններին, որ կիսապաշտպան Իվան Ռակիտիչը կարող է վերադառնալ ակումբ:
«Ռակիտիչը և «Սևիլիան» բանակցություններ չեն վարում: Ես չեմ պատրաստվում խոսել այդ մասին: Մենք մեկ կամ երկու անգամ զրույց ունեցել ենք Ռակիտիչի հետ»,-նշեց Մոնչին Muchodeporte կայքին տված հարցազրույցում։
Հիշեցնենք որ, 2019/20 թվականների Իսպանիայի առաջնությունը ընդհատվեց՝ կորոնավիրուսային համաճարակի պատճառով: Այս մրցաշրջանում Ռակիտիչը Լա Լիգայում անցկացրեց 21 հանդիպում և 3 գոլային փոխանցման հեղինակ դարձավ:
