ՀՀ վարչապետ Նիկոլ Փաշինյանը կառավարության այսօրվա նիստում ՀՀ քաղաքաշինության կոմիտեին հանձնարարել է շինարարական տարածքներում բացառել աղբի կուտակումները:
«Չեմ հասկանում՝ ինչու համապատասխան տեսչությունը չի տուգանում, պատժամիջոցներ չի կիրառում այն շինարարների նկատմամբ, որոնք շինարարություն ասելով՝ հասկանում են աղբ կուտակել հնարավորինս լայն շառավղով»,-ասաց վարչապետը՝ դիմելով ՀՀ քաղաքաշինության կոմիտեի նախագահ Վահագն Վերմիշյանին:
Նիկոլ Փաշինյանը հանձնարարել է նաև զբաղվել շինարարների համազգեստի հարցով։ Նա զարմացավ, թե ինչու են շինարարները հագնում տնից բերված հագուստ
«Շինարարները համազգեստ պետք է ունենան: Շինարարական կազմակերպությունները միլիոններ են աշխատում, հիմա դժվա՞ր է մի փոքր գումար հատկացնել և էժան համազգեստ գնել բանվորների համար»: