Շվեյցարիայի հավաքականի հավաքականի երկրպագուները Անգլիայի հետ ընկերական հանդիպման ժամանակ ծաղրել են Իտալիայի հավաքականին։
Այս դեպքի վերաբերյալ լուսանկարներ են տարածվել սոցցանցերում, որին անդրադարձել են նաև ԶԼՄ-ները։
Տարածված լուսանկարներում երևում է, թե ինչպես են երկրպագուները իրենց ձեռքում բռնել պաստառ, որի վրա Google-ի որոնման էջն է, իսկ հարցման տեղում գրված է․
«Իտալիա Աշխարհի առաջնություն Կատար 2022»։
Սրան համակարգը պատասխանել է․
«Դուք նկատի ունեիք՝ Շվեյցարիա»:
Բանն այն է, որ Շվեյցարիան Աշխարհի առաջնության ընտրական փուլի իր խմբում առաջ էր անցել Իտալիայից ու գրավել առաջին հորիզոնականը, իսկ Իտալիան որակավորման փուլի կիսաեզրափակչում պարտվել էր Հյուսիսային Մակեդոնիային և դուրս մնացել հետագա պայքարից։
