Սնկից թունավորումները շարունակվում են․ ի՞նչ կանոնների է պետք հետևել

Հայաստանում շարունակվում են գրանցվել սնկից թունավորման դեպքեր։ Այս մասին հայտնում են ՀՀ առողջապահության նախարարությունից։

Սնկից թունավորումներից և հետագա բարդություններից խուսափելու նպատակով ԱՆ հիվանդությունների վերահսկման և կանխարգելման ազգային կենտրոնը քաղաքացիներին ևս մեկ անգամ հորդորում է.

սննդում չօգտագործել անհայտ ծագման սունկ,

չհավաքել սունկ ճանապարհների եզրերից,

ուտելու և թունավոր սունկը տարբերակելու համար հիմք ընդունել նկարները, քանի որ թունավոր սունկերը շատ հաճախ աճում են ուտելի սնկերի մոտ և կարող են արտաքին տեսքով շատ նման լինել միմյանց,

ուտելու և թունավոր սունկը տարբերակելու համար հիմք չընդունել ժողովրդական առասպելները, ըստ որոնց թունավոր սնկերին չեն մոտենում միջատները և այլ կենդանիները, կամ եփելու ընթացքում արծաթը սևանում է և սևացնում է սնկային արգանակը,

չուտել հում սունկ,

երեխաներին չկերակրել սնկով,

աղեստամոքսային համակարգի խնդիրներ ունեցող մարդկանց խորհորդ չի տրվում սննդում օգտագործել սունկ,

սնկի հետ չօգտագործել ալկոհոլ, քանի որ այն ակտիվացնում է մի շարք թունավոր նյութեր,

թարմ սնկերը 1 օրից ավել չպահել նույնիսկ սառնարանային պայմաններում,

չզբաղվել ինքնաբուժությամբ։