Հունվարի 26-ի ժամը 08։00-ից մինչև հունվարի 30-ը ժամը 08։00-ն ՆԳՆ ՓԾ Ճգնաժամային կառավարման ազգային և մարզային փրկարարական վարչությունների ճգնաժամային կառավարման կենտրոններ ահազանգեր են ստացվել ձյան առատ տեղումների հետևանքով տրանսպորտային միջոցների արգելափակումների վերաբերյալ։ Այս ընթացքում, փրկարարները օպերատիվ արձագանքելով իրավիճակին, համագործակցել են Ոստիկանության պարեկային ծառայության, ՏԻՄ ներկայացուցիչների և «ՃԱՆՇԻՆ»-ի աշխատակիցների հետ։
Արդյունքում, արգելափակումից դուրս են բերվել 67 տրանսպորտային միջոց և 121 քաղաքացու ցուցաբերվել է համապատասխան օգնություն։ Փրկարարական գործողությունները իրականացվել են արագ և արդյունավետ, ինչը թույլ է տվել նվազեցնել քաղաքացիների անհանգստությունը և ապահովել նրանց անվտանգությունը։