Վթար՝ Սոբչակի մասնակցությամբ․ կա զոհ

Սոչիում հայտնի հեռուստահաղորդավարուհի Քսենիա Սոբչակի մասնակցությամբ ավտովթար է տեղի ունեցել։

Այս մասին հայտնում է Meduza-ն։

Նշվում է, որ Սոբչակը և ևս 2 ուղևոր գտնվել են Mercedes մակնիշի մեքենայի մեջ, որը վազանց կատարելու համար դուրս է եկել հանդիպակաց գոտի։ Դրա հետևանքով այն բախվել է Volswagen մակնիշի մեքենային, վերջինս էլ իր հերթին՝ միկրոավտոբուսին։

Ըստ աղբյուրի՝ Սոբչակի մեքենայից ու միկրոավտոբուսից ոչ ոք չի տուժել, բայց Volswagen-ի ուղևորներից մեկը մահացել է, իսկ վարորդն ու մյուս ուղևորը ծանր վիճակում հիվանդանոցում են գտնվում։

Սոբչակը վթարի վերաբերյալ նշել է, որ շոկի մեջ է տեղի ունեցածից։