WNBA-ի ազատ գործակալ Սոֆի Քանինգհեմը հստակեցրել է իր դիրքորոշումը OnlyFans հարթակում էջ բացելու հնարավորության վերաբերյալ՝ պատասխանելով համապատասխան հարցին YouTube-յան հարցազրույցի ժամանակ։ Yahoo Sports-ի փոխանցմամբ՝ Քանինգհեմն այդ մասին հայտարարել է Թեո Վոնի հաղորդման ընթացքում՝ բացառելով նման քայլը վերջին շրջանում հանրային մեծ ուշադրության և առցանց հայտնիության ֆոնին։
Երբ հաղորդավարը հետաքրքրվել է, թե արդյոք նա երբևէ մտածել է OnlyFans-ին միանալու մասին, մարզուհին առանց հապաղելու հերքել է այդ հնարավորությունը։ Yahoo Sports-ի հրապարակման համաձայն՝ նա նշել է, որ դա իր ոլորտը չէ, և հավելել, որ բարձր է գնահատում սեփական արժանապատվությունը։
Հանրային ուշադրություն և ընթացիկ զարգացումներ
Քանինգհեմի շուրջ ուշադրությունը կտրուկ աճել էր WNBA-ում տրանսգենդեր մարզուհիների մասնակցության վերաբերյալ նրա հնչեցրած տեսակետներից և ոճային հարցազրույցներից հետո։ Այդ ինտերնետային ճանաչելիությունը, սակայն, ունեցել է նաև մութ կողմեր. մարզուհին նշել է, որ իրավիճակն այնքան է սրվել, որ ՀԴԲ-ն ստիպված է եղել հետևել մոտ երկու տասնյակ հետապնդողների։
Մարզական դաշտից դուրս Քանինգհեմն զբաղված է ավտոսպորտային միջոցառումներով։ Նա ներկա է գտնվել NASCAR-ի մրցաշարին և Աստինում կայացած Ֆորմաուլա 1-ի Միացյալ Նահանգների Գրան պրիին, որտեղ կատարել է հանդիսավոր դրոշակրի դերը։ Քանի որ նա բաց է թողնելու Unrivaled լիգայի մրցաշարերը և այժմ հանդիսանում է սահմանափակում չունեցող ազատ գործակալ, նրա հետագա կարիերայի քայլերը շարունակում են մնալ ուշադրության կենտրոնում։