Հուլիսի 22-ին կառավարության նիստում վարչապետի պաշտոնակատար Նիկոլ Փաշինյանը խոսել է «Քաղաքացիական պայմանագիր» կուսակցության նախընտրական ծրագրով նախատեսված կապիտալ ծրագրերի մասին:
«Մենք ՔՊ-ի նախընտրական ծրագրով պարտավորվել ենք առաջիկա 5 տարում կառուցել 2 600 կմ ճանապարհ, 500 մանկապարտեզ, 300 դպրոց, սկսել կամ ավարտին հասցնել 15 ջրամբարների շինարարություն: Մեր վերլուծությունը ցույց է տալիս, որ այսօր ՀՀ-ում գործող շինարարական կազմակերպությունների ներուժը հնարավորություն չի տալիս այս ծրագիրն իրականացնել»,- ասել Նիկոլ Փաշինյանը՝ ավելացնելով, որ ցանկանում են միջազգային գործընկերների ուշադրությունը հրավիրել այս խնդրի վրա:
«Առաջին հերթին, իհարկե, նկատի ունենք այն ձեռնարկությունները, որոնք պատկանում են Սփյուռքի մեր գործարարներին: Այստեղ մենք նաև հույս ունենք, որ այդ շինարարական ընկերությունների հետ Հայաստան կգան շինարարական նոր ստանդարտներ, նոր որակ»,- ասել է վարչապետի պաշտոնակատարը:
