սպորտի մասին լուրեր

«Ռեալը» «Մոնակոյի» կիսապաշտպան Օրելյեն Չուամենիի տեղափոխությունը հաստատել է․ կնքվել է 6 տարվա պայմանագիր։ Գործարքը ավելի քան 100 մլն եվրո է գնահատվում։ Ֆուտբոլիստի շնորհանդեսը կկայանա երկուշաբթի օրը՝ բուժզննումից հետո։  

Ազգերի Լիգայի խաղարկության հերթական խաղում Ավստրիայի հավաքականը 1-1 հաշվով ոչ-ոքի խաղաց Ֆրանսիայի հետ։ Խաղից հետո իր տպավորություններով է կիսվել ավստրիացիների առաջատար Դավիթ Ալաբան։ «Ավելի շատ հիասթափված եմ, քան ուրախ։ Իհարկե, Ֆրանսիան ավելի շատ պահ ուներ, բայց մենք իսկապես մոտ էինք հաղթանակին։ Մենք երկու բավականին տարբերվող խաղակեսերի ականատես եղանք»,- Ալաբայի խոսքերն է մեջբերում ՈւԵՖԱ-ի պաշտոնական կայքը։…

Դոնեցկի «Շախտյորի» և Ուկրաինայի հավաքականի ֆուտբոլիստ Միխաիլ Մուդրիկը հրաժարվել է տեղափոխվել Ա Սերիա։ Ինչպես տեղեկացնում է Sempremilan.it-ը, ֆուտբոլիստը առաջարկ է ունեցել «Միլանի» և «Յուվենտուսի» կողմից։ Ըստ աղբյուրի՝ Մուդրիկը վստահ չէ, որ այս ակումբներում կստանա բավարար խաղաժամանակ։ Ամենայն հավանականությամբ ուկրաինացին կարիերան կշարունակի Բունդեսլիգայում։ Օրեր առաջ հաղորդվում էր, որ Մուդրիկը բանավոր համաձայնության է եկել Լևերկուզենի «Բայերի» հետ։

«Բարսելոնայի» կիսապաշտպան Գավիի գործակալն այսօր կհանդիպի կատալոնական ակումբի ներկայացուցիչների հետ։ Պայմանագրի երկարաձգման շուրջ բանակցություններն ավարտական ​​փուլում են՝ տեղեկացնում է հեղինակավոր ինսայդեր Ֆաբրիցիո Ռոմանոն: Գավիին առաջարկվել է հնգամյա պայմանագիր՝ 1 միլիարդ եվրո հրաժարագնով: Գործող պայմանագրով՝ Գավիի հրաժարագինը կազմում է 50 միլիոն եվրո: Իսպանիայի հավաքականի ֆուտբոլիստի ներկայիս պայմանագիրը գործում է մինչև հաջորդ տարվա ամառ:  

Զինեդին Զիդանը կգլխավորի ՊՍԺ-ն՝ RMC ռադիոյի L’After Foot հաղորդաշարի ժամանակ հայտնել է լրագրող Դանիել Ռիոլոն։ Նշենք՝ Ռիոլոն 2020 թվականի դեկտեմբերին հայտարարել էր, որ Լիոնել Մեսին կտեղափոխվի ՊՍԺ, ինչպես նաև այս տարվա ապրիլին տեղեկացրել էր՝ Մբապեն կերկարաձգի պայմանագիրը փարիզյան ակումբի հետ: Ըստ Ռիոլոյի՝ Զիդանը կգլխավորի ֆրանսիական ակումբը Մաուրիսիո Պոչետինոյի պաշտոնանկությունից հետո, ինչի մասին պաշտոնապես կհայտարարվի մոտ…

Ֆրանսիայի նախագահ Էմանուել Մակրոնը պաշտպանել է Կիլիան Մբապեի՝ ՊՍԺ-ում մնալու որոշումը։ Ֆրանսիացի հարձակվողը նոր պայմանագիր է կնքել ակումբի հետ մինչև 2025 թվականը՝ մերժելով Մադրիդի «Ռեալի» առաջարկը։ «Ինձ հաջողվեց խոսել Մբապեի հետ, բայց նա ինքն է կատարել իր ընտրությունը: Նա ցույց տվեց, որ շատ հասուն է։ Կիլիանը պատասխանատու մոտեցում է ցուցաբերում իր կարիերան կառուցելու գործում»,- ասել…

«Տոտենհեմի» հարձակվող Հարի Քեյնը կարող է տեղափոխվել Մյունխենի «Բավարիա»՝ փոխարինելով լեհ ռմբարկու Ռոբերտ Լևանդովսկիին: Այս մասին հայտնում է իսպանական Sport-ը: Աղբյուրի համաձայն՝ «Բավարիան» հասկանում է, որ չի կարողանա թիմում պահել 33-ամյա հարձակվողին։ Մյունխենյան գրանդը Լևանդովսկիին փոխարինելու համար թոփ հարձակվող է փնտրում, և այս պարագայում Քեյնն իդեալական տարբերակ է:

ՈւԵՖԱ-ի Ազգերի լիգայում Լեհաստանի դեմ Բելգիայի 6:1 հաշվով հաղթանակից հետո Էդեն Ազարը խոսել իր մարզավիճակից և ելույթից: Մադրիդի «Ռեալի» հարձակվողը վստահ է, որ իրեն կհաջողվի վերագտնել իր մարզավիճակը՝ ստանալով ավելի շատ խաղաժամանակ: Կլինեմ այն ​​խաղացողը, ինչպիսին առաջ էի: «Ես միշտ ասել եմ դա: Պատրաստվում եմ վերադառնալ նրան, ինչպիսին որ եղել եմ ժամանակին` խաղալով ավելի շատ…

«Մանչեսթեր Սիթին» հայտնել է իր պայմանները կատալոնական «Բարսելոնային», որը ցանկանում է պայմանագիր կնքել «քաղաքաբնակների» կիսապաշտպան Բեռնարդու Սիլվայի հետ։ Խոսեպ Գվարդիոլայի թիմը պատրաստ կլինի 100 միլիոն եվրոյի դիմաց բաժանվել պորտուգալացուց։ Լրագրող Լուիս Ռոխոյի խոսքերով, «Մանչեսթեր Սիթին» որոշել է վախեցնել «Բարսելոնային» 100 միլիոն եվրոյով, քանի որ կատալոնական ակումբը ֆինանսական դժվարությունների մեջ է անցյալ ամառվանից և ունակ չի…

«Բարսելոնայի» նախագահ Ժոան Լապորտան վերլուծել է ակումբում տիրող իրավիճակը: «Երբ ես վերադարձա «Բարսելոնա», ակումբը կլինիկապես մահացած էր, և այժմ մենք Չեմպիոնների լիգայում ենք։ Հունիսի 16-ին մենք կհանդիպենք՝ քննարկելու տնտեսական իրավիճակը, որը շարունակում է մնալ շատ ծանր։ Երբ մենք նոր սկսեցինք աշխատանքը, ակումբը երկար ժամանակ չէր կարողանում մարել պարտքերը։ Սարսափելի վիճակ էր։ Բայց մեզ հաջողվեց վերակենդանացնել…

«Ռեալի» դարպասապահ Տիբո Կուրտուան պատրաստվում է ամուսնանալ իր ընկերուհու՝ մոդել Միշել Գերցիգի հետ։ Բելգիացի դարպասապահը ճամփորդության ժամանակ ամուսնության առաջարկ արել նրան: Իսրայելցի սուպերմոդելը սոցցանցերի իր էջերում կիսվել է Կուրտուայի առաջարկության լուսանկարներով՝ գրելով․ «Այո, ողջ կյանքում՝ քեզ հետ»։

Transfermarkt-ը թարմացրել է Ա Սերիայում հանդես եկող ֆուտբոլիստների տրանսֆերային արժեքը: «Ռոմայի» 33-ամյա հայ կիսապաշտպան Հենրիխ Մխիթարյանի տրանսֆերային արժեքը 10 միլիոնից եվրոյից դարձել է 8 միլիոն: Մինչև այս տրանսֆերային արժեքի վերջին թարմացումը եղել էր 2021 թվականի դեկտեմբերի 28-ին:  

Արգենտինայի հավաքականի և ֆրանսիական ՊՍԺ-ի հարձակվող Լիոնել Մեսին նկարահանվել է է հայտնի «Պաշտպանները» հեռուստասերիալում։ Marca-ի փոխանցմամբ՝ 34-ամյա ֆուտբոլիստը հանդես կգա հեռուստասերիալի 2-րդ սեզոնում, որը կցուցադրվի 2023 թվականին: «Ոսկե գնդակի» 7-ակի դափնեկրի մասնակցությամբ տեսարանի նկարահանումները տեղի են ունեցել Փարիզում և ավարտվել մի քանի օր առաջ: https://youtu.be/AoXz1NRE_TE