Երեկ Թեհրանում սպանված «Համաս» խմբավորման քաղբյուրոյի ղեկավար Իսմայիլ Հանիեի դագաղը տեղափոխվում է Թեհրանի Ազադի (Ազատության) հրապարակ, հաղորդում է CNN-ը։
Նախքան Թեհրանի համալսարանից դաղագի դուրսբերումն Իրանի գերագույն առաջնորդ այաթոլլահ Ալի Խամենեին աղոթք է հղել Հանիեի համար:
Հազարավոր քաղաքացներ են հավաքվել Թեհրանի փողոցներում՝ հետևելու սգո թափորի ընթացքին։
ԱՄՆ-ի և ԵՄ-ի կողմից ահաբեկչական կառույց ճանաչված «Համաս»-ը երեկ հայտնել է, որ Հանեին օգոստոսի 2-ին հուղարկավորվելու է Քաթարի մայրաքաղաք Դոհայում։
Իսմայիլ Հանեին հուլիսի 31-ին սպանվել է Իրանի մայրաքաղաք Թեհրանում, որտեղ նախօրեին մասնակցել է Իրանի նորընտիր նախագահի երդմնակալության արարողությանը։
Իրանը Հանեի սպանության մեջ մեղադրում է Իսրայելին։
Խամենեին խոստացել է վրեժ լուծել այդ սպանության համար: Ըստ New York Times-ի, նա հրաման է արձակել «ուղղակիորեն հարվածել Իսրայելին»։
Իսրայելը ո՛չ հաստատել, ո՛չ հերքել է իր մասնակցությունը սպանությանը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
