Տոնոյանի կալանքի ժամկետը երկարաձգելու դատարանի որոշումը բողոքարկվել է

ՀՀ պաշտպանության նախկին նախարար Դավիթ Տոնոյանի փաստաբանները բողոքարկել են՝ Տոնոյանի կալանքի ժամկետը երկարաձգելու դատարանի որոշումը։

Այս մասին հայտարարություն է տարածել Տոնոյանի փաստաբանական խումբը։

Փաստաբանները անհիմն ու չփաստարկված և չպատճառաբանված են համարում դատարանի որոշումը։

Նշվում է, որ նրանք ներկայացրել են իրենց առարկություններն ու բողոքարկել վերաքննության կարգով։

Հայտարարությունում ասվում է, որ դատական նիստը կկայանա դեկտեմբերի 17-ին՝ ժամը 15:00-ին։