ԱՄՆ նախագահ Դոնալդ Թրամփի աշխատակազմը կներկայացնի 2021-ի ֆինանսական տարվա դաշնային բյուջեի նախագիծը։
Այդ նախագծով պաշտպանությանն ուղղված ծախսերի համար անհրաժեշտ է 740.5 միլիարդ դոլարի չափով գումար: Այս մասին հաղորդում է The Wall Street Journal թերթը:
Նշվում է, որ աշխատակազմը մտադիր է լրջորեն կրճատել սոցիալական ոլորտում իրականացվող մի շարք ծրագրեր:
Ըստ հրաարակման՝ աշխատակազմի հայցադիմումը կառաջարկի 12% -ով ավելացնել Ազգային աիվացիոն և տիեզերական կառավարման համար հատկացվող միջոցները, ինչպես նաև 26% -ով նվազեցնել Շրջակա միջավայրի պահպանության գործակալությանը հատկացվող ծախսերը:
Նաև մոտ 2 միլիարդ դոլար կպահանջվի՝ Մեքսիկայի հետ սահմանին պատ կառուցելու համար:
Պարբերականը նշում է, որ կառաջարկվի Դաշնային բյուջեի դեֆիցիտը մոտ 1 տրիլիոն դոլարից իջնեցնել մինչև 966 միլիարդ դոլար: Բացի դա կառաջարկվի կրճատել մի շարք սոցիալական ծրագրերի հատկացվող ֆինանսավորումը, այդ թվում՝ առողջապահության ապահովագրությանը հատկացվող միջոցները:
Հրապարակման համաձայն՝ դաշնային բյուջեի նախագիծը, ամենայն հավանականությամբ, չի հաստատվի այն ձևով, որով այն կներկայացվի:
Բյուջեում փոփոխություններ կատարելու հետ կապված հարցման մեջ ներկայացվում են ԱՄՆ ներկայիս վարչակազմի գերակայությունները: Այն ուղարկվում է ԱՄՆ Կոնգրես, որտեղ Ներկայացուցիչների պալատի և Սենատի անդամներն իրենք են մշակում և հաստատում կառավարության ծախսերը, որից հետո պետության ղեկավարը ստորագրում կամ մերժում է վերջնական փաստաթուղթը: