Աշխարհ
23:00 22/01/2020

Թրամփի իմպիչմենթի գործընթացը կընթանա արագացված ռեժիմով

ԱՄՆ Կոնգրեսի Սենատը հավանություն է տվել այն բանաձևին, որն օրենսդիր մարմնի վերին պալատին թույլ կտա նախագահ Դոնալդ Թրամփի իմպիչմենթի գործընթացն իրականացնել արագացված ռեժիմով:

Ձայները բաշխվել են կուսակցական պատկանելիությանը խիստ համապատասխան՝ 53 հանրապետական կողմ է արտահայտվել, 47 դեմոկրատ՝ դեմ:

Իմպիչմենթի քննության ժամկետն ու հաջորդականությունը կանոնակարգող նախաձեռնության հեղինակը Սենատում հանրապետական մեծամասնության առաջնորդ Միթչ Մակքոնելն է (Քենթուքիի նահանգ): Նա հայտարարել է, որ տրամադրված է ինփիչմենթի ընթացակարգը շուտափույթ ավարտելուն, որը կբերի Թրամփի արդարացման:

Ենթադրվում է, որ Սենատում այդ գործընթացը՝ գործնականում կանխորոշված վերջաբանով, կշարունակվի մոտավորապես երկու շաբաթ: Առաջարկը հարուցել է դեմոկրատների խիստ քննադատությունը։

ՎԵՐՋԻՆ ԼՈւՐԵՐ

Վերեվ