Ամերիկայի հայկական համագումարը հայտարարություն է տարածել ԱՄՆ նախագահ Դոնալդ Թրամփի՝ ապրիլի 24-ի ուղերձի վերաբերյալ։ Համագումարը նշել է, որ Թրամփի օգտագործած Մեծ եղեռն հայկական արտահայտությունը չի համապատասխանում 1981թ. նախագահ Ռոնալդ Ռեյգանի հռչակագրային հայտարարությանը։
«Այս տարվա հայտարարությունը, ինչպես և նախորդ տարիներին, արտացոլում է Ցեղասպանության բառային սահմանումը և պարունակում է Մեծ եղեռն հայկական արտահայտությունը, սակայն չի համապատասխանում 1981թ. նախագահ Ռոնալդ Ռեյգանի հռչակագրային հայտարարությանը։ Վարչակազմի հայտարարությունը չի համապատասխանում ազգային կոնսենսուսին, որն արտացոլված է Միացյալ Նահանգների Կոնգրեսի միանշանակ հաստատման մեջ և ձայների ճնշող մեծամասնությամբ ընդունել են Ներկայացուցիչների պալատը, Սենատը, ինչպես նաև ԱՄՆ-ի 49 Նահանգներ»,- ասված է հայկական համագումարի գործադիր տնօրեն Բրայան Արդունիի հայտարարության մեջ։
