2025 թվականին «Tren de Aragua» հանցավոր խմբի անվանումը դարձավ ԱՄՆ-ի և Վենեսուելայի միջև լարվածության հիմնական խորհրդանիշը։ ԱՄՆ նախագահ Դոնալդ Թրամփի վարչակազմը հրապարակայնորեն կապեց խմբին Վենեսուելայի նախագահ Նիկոլաս Մադուրոյի հետ՝ նրան մեղադրելով թմրամիջոցների առաքման, զանգվածային միգրացիայի և կազմակերպված հանցավորության մեջ։ Սակայն ամերիկյան հետախուզական ծառայությունները պաշտոնապես չեն հաստատում Մադուրոյի կապը «Tren de Aragua»-ի հետ, իսկ անկախ փորձագետները նշում են, որ Վենեսուելան թմրանյութերի համաշխարհային շրջանառության մեջ հիմնական դերակատար չէ։
Թրամփը «Tren de Aragua»-ն ու «Cartel de los Soles»-ը ճանաչեց որպես արտասահմանյան ահաբեկչական կազմակերպություններ՝ հիմնավորելով պատժամիջոցների, ռազմական գործողությունների և նավթային ոլորտի վերահսկման անհրաժեշտությունը։ Սեպտեմբերին ԱՄՆ ուժերը սկսեցին թիրախավորել Կարբիբյան ծովում ընթացող նավերը՝ իբր թմրանյութերով բեռնված, սակայն հրապարակային ապացույցներ այդ գործողությունների համար չկան։
Արդյունքում, «Tren de Aragua»-ն դարձավ ոչ միայն իրական հանցավոր կառույց, այլ նաև քաղաքական գործիք՝ արդարացնելու ԱՄՆ-ի միջամտությունը Վենեսուելայի ներքին գործերին։ Այս իրադարձությունները խորացնում են տարածաշրջանի անկայությունը, իսկ Վենեսուելայի բնակչության համար դրանք հանգեցնում են զանգվածային արտագաղթի, տնտեսական դժվարությունների և անորոշության։