Մասաչուսեթսի համալսարանի գիտնականները բացահայտել են ծխելը թողնելու երեք լավագույն ռազմավարությունները: Դրանք ներառում են Վարենիկլին դեղամիջոց, ցիտիսին բույսի միացության ընդունումը և նիկոտինի էլեկտրոնային ծխախոտի օգտագործում: Հետազոտության արդյունքները հրապարակվել են Addiction ամսագրում։
Նիկոտինային կախվածությունից ազատվելու տարբեր մեթոդների արդյունավետությունը գնահատելու համար գիտնականները վերլուծել են Cochrane միջազգային հետազոտական կազմակերպության կողմից իրականացված 14 խոշոր գիտական ակնարկներ։ Պարզվել է, որ ավանդական ծխախոտն էլեկտրոնայինով (նիկոտինով) փոխարինելն օգնում է ազատվել առաջինի հանդեպ ունեցած հակումից: Նիկոտին փոխարինող թերապիայի այլ միջոցներ (կարկատաններ, սփրեյներ, մաստակ) արդյունավետությամբ զիջում էին վեյփին:
Գիտնականները նաև պարզել են, որ Վարենիկլինի ընդունումն օգնում է թողնել ծխելը: Սա Pfizer-ի կողմից ստեղծված դեղատոմսով դեղ է: Այն դոֆամին է արտազատում ուղեղի պարգևատրման կենտրոնում՝ դրանով իսկ նվազեցնելով նիկոտինի ցանկությունը:
Ծխելուց հրաժարվելը հեշտացնելու համար օգտագործվում է նաև բույսերի վրա հիմնված միացություն, որը կոչվում է ցիտիսին: Նիկոտինի գործողության մեխանիզմին մոտ նմանությամբ ցիտիսինը ունի շատ ավելի ցածր թունավորություն և ավելի մեծ թերապևտիկ ցուցանիշ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
