fbpx
Գիտություն

Ծխախոտի վնասի նվազեցման ռազմավարության ներդրման և ծխողների թվի կրճատման միջազգային փորձը

2021թ․-ի Ասիայի Վնասի նվազեցման ֆորումի շրջանակներում գիտության, տեխնոլոգիայի և հանրային առողջապահության ոլորտներում միջազգային հեղինակություն ունեցող փորձագետները քննարկել են տարբեր երկրների՝ ծխախոտի վնասի նվազեցման ռազմավարությունները։

Օտտավայի համալսարանի պրոֆեսոր Դեյվիդ Սուինորը խոսել է այն մասին, որ ծխելու հետ կապված ռիսկերը մարդկությանը հայտնի են տասնամյակներ ի վեր։ Հայտնի է նաև այն, որ ռիսկերի մեծ մասը կապված է ոչ թե նիկոտինի, այլ հենց ծխի հետ։ Ռիսկը մինիմալացնելու նպատակով անհրաժեշտ է ծխողներին առաջարկել նիկոտինի սպառման այլ ուղիներ։

Հենց այսպիսի մոտեցման արդյունքում Շվեդիան ներկայումս ունի ծխելու հետևանքով առաջացող հիվանդությունների և մահվան ամենացածր տեսակարար կշիռը Եվրամիությունում։ Երկրում ծխողների թիվն այնքան փոքր է, որ այն արդեն իսկ կարելի է համարել ծխից զերծ։

Նույն տրամաբանությամբ, Նորվեգիայում այլընտրանքների ազատ վաճառքը թույլատրելուց հետո ծխողների թիվը մոտ 50%-ով կրճատվեց ընդամենը 10 տարում։ Իսկ Իսլանդիայում 3 տարվա ընթացքում ծխողների թվի մոտ 40% կրճատում գրանցվեց՝ նիկոտինի մատակարարման էլեկտրոնային սարքերի և սնուսի ազատ վաճառքը թույլատրելուց հետո։

Տասնամյակներ շարունակ Կանադայում պայքարել են ծխելու դեմ կրթական ծրագրերով և հարկային փոփոխություններով, սակայն այս նախաձեռնությունները սահմանափակ հաջողություն են գրանցել։ Նախքան վեյպերի համատարած օգտագործումը՝ երկրում ծխողներ թվի կրճատման տարեկան տեմպը բավականին դանդաղել էր։ 2019-ին, երբ նիկոտինի մատակարարման էլեկտրոնային սարքերի օգտագործումը հասել էր իր ամենաբարձր ցուցանիշին, Կանադայում գրանցվեց սիգարետի վաճառքի մոտ 7.5 % անկում։

Կանադայի վեյպինգի ասոցիացիայի՝ կառավարության հետ կապերի գծով խորհրդական Դերիլ Թեմպեստի կարծիքով՝ վնասի նվազեցումը Կանադայի՝ թմրամիջոցների և հոգեներգործուն նյութերի վերաբերյալ պետական քաղաքականության հիմնասյուներից է։ Շատ կարևոր է, որ այս մակարդակում այլևս փորձ չի արվում հարկային կամ այլ սահմանափակումների միջոցով էլեկտրոնային սիգարետները և ծխախոտի տաքացման համակարգերը սակավ գրավիչ դարձնել։ Այսպիսով, Կանադայում պետական մակարդակով շեշտը դրվում է վնասի նվազեցման և ոչ կոնկրետ նյութի վրա։

ԱՄԵՆԱԴԻՏՎԱԾՆԵՐԸ

ՎԵՐ