Թուրքիայի պայթուցիկների գործարանում պայթուն է տեղի ունեցել․ կա երկու զոհ և տասնյակ վիրավորներ

Դեպքը տեղի է ունեցել ուրբաթ օրը Սաքարիա մարզի Հենդեկ քաղաքից դուրս գտնվող գործարանում, որտեղ այդ պահին առնվազն 150 աշխատող է եղել: Թուրքիայի առողջապահության նախարարը հայտնել է, որ պայթյունին արձագանքել են 85 շտապօգնության մեքենա, երկու օդային շտապօգնություն և 11 փրկարարական ջոկատ։

Արդյունքում 73 հոգի տեղափոխվել է հիվանդանոց։ Նախնական տվյալներով դեռ պարզ չէ, թե ինչից է առաջացել պայթյունը։