Թուրքիայի և Գերմանիայի արտգործնախարարները քննարկել են Մոսկվայի և Կիևի միջև լարվածության հետ կապված հարցեր. հեռախոսազրույցը տեղի է ունեցել թուրքական կողմի նախաձեռնությամբ: Այս մասին հայտնել է թուրքական «Անադոլու» լրատվական գործակալությունը:
Ըստ աղբյուրի՝ տեղի է ունեցել մտքերի փոխանակում երկկողմ հարաբերությունների շուրջ, ինչպես նաև Մևլութ Չավուշօղլուն և Անալենա Բերբոքը անդրադարձել են այնպիսի թեմաների, ինչպիսիք են՝ իրավիճակը Աֆղանստանում, Ռուսաստանի և Ուկրաինայի միջև լարվածությունը, Բոսնիա և Հերցեգովինայի գործընթացները և անօրինական միգրացիան։
