Թուրքիայի երեք նահանգում կրկին անտառային հրդեհներ են մոլեգնել։ Փակվել է Սելչուկ քաղաքի և Կուշադասի առողջարանի միջև ընկած մայրուղին։
Թուրքիայի պաշտպանության նախարարությունը լրացուցիչ 5 ուղղաթիռ է ուղարկել հրշեջներին օգնության։
Ավելի վաղ` հունիսի 21-ին Թուրքիայի հարավ-արևելքում անտառային հրդեհներ էին բռնկվել։ Դիարբեքիրի Չընար և Մարդինի Մազըդաղի շրջաններում բռնկված հրդեհները 5 մարդու կյանք էին խլել, 44 մարդ վիրավոր էր` վիրավորներից 10-ի վիճակը ծանր։ Դիարբեքիրում զոհվել էր 3, Մարդինում ՝ 2 մարդ։
