Գարթներ հետազոտական ընկերությունը վերջերս հրապարակել է թվային սպասարկման ծառայությունների ոլորտում իր անցկացրած հետազոտությունների արդյունքները: Հետազոտությունները անց են կացվել շուրջ հինգ հարյուր առաջատար սպասարկման ծառայությունների շրջանում, որպեսզի հնարավոր լինի գտնել այն շրջանները, որոնք կարող են բարելավվել՝ զարգացնելով հաճախորդների օնլայն սպասարկման ոլորտը:
Կազմակերպության խորհրդատու Լորեն Վիլնյևը նշել է, որ այս հետազոտությունը շատ կարևոր է հատկապես նրանով, որ թույլ կտա որոշել, թե տեխնոլոգիապես ինչքան են կապված բիզնեսների մեծամասնությունը:
«Թվային տեխնոլոգիաների տարածումը և սպասարկման ոլորտում հաճախորդների աճող սպասումները ստիպում են թվային հմտություններ և թվային տեխնոլոգիաների օգտագործման արդյունավետ փորձ ձեռք բերել, – ասել է Վիլնյևը, – Քանի որ արտաքին և ներքին սպասումները գնալով աճում են, ծառայությունների ղեկավարները ստիպված են բարելավել թվային տեխնոլոգիաները: Միայն դրանից հետո նրանք կարող են իրապես առանձնացնել իրենց կազմակերպությունը և օգնել, որ այն զարգանա»:
Ցանկացած բիզնես, լինի մեծ, թե փոքր, օգտագործում է վեբկայքեր, տեքստային նամակագրություններ և սոցիալական մեդիա, որպեսզի բարելավի իր սպասարկման ծառայությունների հմտությունները: Թե՛ ավտոմատացված ծառայությունները, թե՛ վեբկայքերում տեղի ունեցող նամակագրությունները կարող են պոտենցիալ հաճախորդների համար չափանիշ հանդիսանալ կազմակերպության մասին կարծիք կազմելու ժամանակ:
«Սպասարկման ծառայությունների կազմակերպությունները արագորեն յուրացնում են թվային տարբեր ալիքներ և հմտություններ, – ասում է Գարթների փոխնախագահ Փիթ Սլիզը, – Չնայած սա կարող է արդյունվավետ միջոց լինել հաճախորդի պահանջները և կարիքները բավարարելու համար, հիմնական սխալը թվային ծառայությունների շրջանակի ընդլայնման ժամանակ հաշվի չառնելն է, թե թվային փորձի, որ ասպեկտն է ամենաարժեքավորը հաճախորդների և ծառայության աշխատակիցների համար»:
Հարցման մեջ նաև նշված էր, որ հաճախորդի վրա կիրառվող արհեստական ինտելեկտը, մեծաչափ տվյալները և հաճախորդների հետ հարաբերությունների կառավարման (CRM) աճող գները դիտարկվում են որպես առաջնահերթություններ այս տարվա սպասարկման և աջակցության առաջատար ծառայությունների կողմից:
Իր վերջին ուսումնասիրության արդյունքում Գարթները պարզել է, թե որոնք են այն 4 առաջնահերթությունները, որոնք սպասարկման և աջակցության ծառայությունների պետք է հաշվի առնեն այս տարի.
Պատարաստ լինել աճող ներքին ճնշմանը և հաշվետվողականությանը
Ձեռք բերել վեբկայքերի ծառայողական գործառույթների սեփականության իրավունք
Առաջնահերթություններ ստեղծել և բարելավել թվային փորձը
Ուսումնասիրել թվային հավելվածները աշխատանքի արդյունավետությունը բարելավելու համար
Համաձայն հետազոտության, կազմակերպությունների մեծ մասի խնդիրները՝ կապված այս չորս կետերի հետ, վերաբերում են իրենց թվային սպասարկման ծառայությունների լուծումների կառավարմանը կամ էլ իրենց սպասարկման վեբկայքերի մի մասի կամ բոլորի տիրապետման անկարողությանը:
Չնայած հարցումներին մասնակցած առաջատար սպասարկման ծառայությունների մեծ մասը նշել է, որ, ըստ իրենց, մեծաչափ տվյալները և բեք-օֆիս ավտոմատացումը այս տարի հիմնական առաջնահերթություններն են, Գարթների ուսումնասիրությունը ցույց է տալիս, որ կազմակերպությունները պետք է համագործակցեն ՏՏ առաջատարների հետ իրենց թվային ծառայություններն ավելի արդյունավետ դարձնելու համար:
Աղբյուրը՝ Businessnewsdaily
Թարգմանությունը՝ Azat TV
