ՀՀ ՔԿ-ն հայտնել է, որ Տավուշի մարզային քննչական վարչությունում քննվող քրեական գործով պարզվել են 8-ամյա երեխայի նկատմամբ կատարված անառակաբարո գործողությունների մի շարք հանգամանքներ:
«Մասնավորապես՝ փաստական տվյալներ են ձեռք բերվել այն մասին, որ Տավուշի մարզի 58-ամյա բնակիչը, 2022թ. մայիսի 27-ին գտնվելով ոչ սթափ վիճակում, տեղեկանալով նույն բնակավայրում բնակվող երեխայի ծնողների՝ տնից բացակայելու մասին, օգտվելով այդ հանգամանքից, անառակաբարո գործողություններ է կատարել մանկահասակ՝ 8-ամյա աղջիկ երեխայի նկատմամբ, սակայն հարևանուհին, լսելով երեխայի օգնություն կանչելու և լացի ձայները, օգնության է հասել:
Դեպքի առթիվ հարուցվել է քրեական գործ, երեխան ճանաչվել է տուժող, իսկ երեխայի մայրը՝ տուժողի ներկայացուցիչ:
58-ամյա տղամարդը ձերբակալվել է:
- Արթուր Ասատրյանը (Դոն Պիպոն) Վաղարշապատում ստեղծել և ղեկավարել է հանցավոր համագործակցություն. ՔԿ
- Վեճը վերածվել է ծեծկռտուքի. 54-ամյա բնակիչը բազմաթիվ վնասվածքներ է ստացել. ՔԿ
Նախաքննության ընթացքում կատարվել են քննչական և դատավարական անհրաժեշտ գործողություններ՝ առգրավումներ, հարցաքննվել են մի շարք անձինք, այդ թվում՝ 58-ամյա տղամարդը:
Ձեռք բերված բավարար ապացույցների համակցությամբ՝ նրան մեղադրանք է առաջադրվել՝ ՀՀ քրեական օրենսգրքի 142-րդ հոդվածի 3-րդ մասի 2-րդ կետով (Անառակաբարո գործողություններ անչափահասի նկատմամբ):
Նախաքննական մարմինը միջնորդություն է ներկայացրել դատարան՝ վերջինիս նկատմամբ կալանավորումը որպես խափանման միջոց կալանավորում կիրառելու վերաբերյալ, ինչը դատարանի որոշմամբ բավարարվել է:
Նախաքննությունը շարունակվում է»,- ասվում է հաղորդագրության մեջ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
