Ուկրաինան չի պատրաստվում զիջել իր տարածքները խաղաղության դիմաց։ Այս մասին հայտարարել է Ուկրաինայի նախագահի աշխատակազմի ղեկավար Անդրեյ Երմակը The Atlantic-ի հետ հարցազրույցում։ Նա ընդգծել է, որ Ուկրաինայի Սահմանադրությունը արգելում է տարածքների զիջումը, և որևէ ողջամիտ մարդ չի ստորագրի նման փաստաթուղթ։ Երմակը նշել է, որ Ուկրաինան պատրաստ է քննարկել միայն այն հարցը, թե որտեղով պետք է անցնի սահմանազատող գիծը պատերազմող երկրների միջև։