Քաղաքականություն

Ուրուգվայի ԱԳՆ հայտարարությունը՝ ՀՀ-ի հետ դիվանագիտական հարաբերությունների 27-ամյակի առթիվ

Մայիսի 27-ին Ուրուգվայի Արևելյան Հանրապետության ԱԳ նախարարությունը հայտարարություն է տարածել՝ նվիրված Հայաստանի և Ուրուգվայի միջև դիվանագիտական հարաբերությունների հաստատման 27-րդ տարեդարձին:

Հայտարարությունում ասված է․

«1992 թ․ մայիսի 27-ին եղբայր երկրներ՝ Ուրուգվայը և Հայաստանը պաշտոնապես հաստատեցին դիվանագիտական հարաբերություններ: Երկու ժողովուրդների եղբայրական կապերի արմատները գնում են դեռևս 20-րդ դարի խորքերը, երբ խոշոր միգրացիոն ալիքի արդյունքում հազարավոր հայ գաղթականներ հանգրվան գտան Ուրուգվայում՝ դրանով իսկ էականորեն նպաստելով պետության սոցիալ-տնտեսական զարգացմանը։

27 տարիների երկկողմ հարաբերությունները հիմնված են փոխադարձ հարգանքի, միջազգային իրավունքի, բազմակողմանիության, մարդու իրավունքների՝ իրավական պետություններում գործող այլ հիմնարար սկզբունքների հիման վրա։

Ուրուգվայը և Հայաստանը հաստատուն կերպով հանդես են գալիս հօգուտ միջազգային խաղաղության և անվտանգության պահպանման, հակամարտությունների խաղաղ ճանապարհով կարգավորման՝ ուժի կամ ուժի սպառնալիքի չկիրառման, ազգերի ինքնորոշման և տարածքային ամբողջականության սկզբունքների կիրառմամբ։

Հայաստանում Ուրուգվայի գլխավոր հյուպատոսության բացումը երկու երկրների միջև փայլուն հարաբերությունների վկայություն է և ևս մեկ քայլ է երկու ժողովուրդների միջև բարեկամության ու համագործակցության շարունակական ամրապնդման ճանապարհին»։

ԱՄԵՆԱԴԻՏՎԱԾՆԵՐԸ

ՎԵՐ