ԲԸՏՄ-ի Facebook-ի էջում պաշտոնական հաղորդագրություն է տարածվել այն մասին, որ «Ճանապարհ» ՍՊԸ-ն իրականացրած գործունեության ընթացքում վնաս է հասցրել շրջակա միջավայրին։
- Սիգի խնդրով նախարար Հակոբ Սիմիդյանը Սևան ազգային պարկում է
- Նոյեմբերի 1-12-ը շրջակա միջավայրին հասցվել է 118 537 411 դրամի վնաս. ԲԸՏՄ
«Բնապահպանության և ընդերքի տեսչական մարմնի աշխատակիցները ճանապարհաշինարարական գործունեություն ծավալող «Ճանապարհ» ՍՊԸ-ում իրականացրել են ստուգում և հայտնաբերել, որ ընկերությունն ընդերքօգտագործման բոլոր ձևերի աշխատանքների ընթացքում չի պահպանել և չի վարել երկրաբանական ու մարկշեյդերական փաստագրություն։
Գերազանցել է սահմանային թույլատրելի արտանետումների չափաքանակները։
Արտանետել է 12.579 տոննա անօրգանական փոշի։
«Ճանապարհ» ՍՊԸ-ի տնօրենին ներկայացվել է 3.336.720 ՀՀ դրամի չափով շրջակա միջավայրին հասցված վնասի հատուցման պահանջ, նաև նշանակվել է վարչական տուգանք, ընդհանուր՝ 300.000 ՀՀ դրամի չափով», – ասված է ԲԸՏՄ-ի տարածած հաղորդագրությունում։
ԽՈՐՀՈւՐԴ Է ՏՐՎՈւՄ ԿԱՐԴԱԼ
