Հնդկաստանի Մահարաշտա նահանգի ծննդատներից մեկում հրդեհ է բռնկվել։
Այս մասին հայտնում է Al Jazeera-ն։
Նշվում է, որ հրդեհի հետևանքով մահացել է 10 նորածին, իսկ 7 նորածնի հնարավոր է եղել փրկել՝ հիվանդանոցի աշխատակազմի ջանքերի շնորհիվ։ Հրդեհը մարվել է հրշեջների ժամանումից հետո ու արդյունքում կանխվել է դրա տարածումը հիվանդանոցի այլ մասնաճյուղեր։
Ըստ աղբյուրի՝ Հնդկաստանի իշխանությունները հանձնարարել են քննել ու պարզել, թե ինչ հանգամանքներում է բռնկվել հրդեհն և ովքեր են մեղավորները։