Առողջապահություն

Խոհարարը 40-ն անց կանանց համար որովայնի ճարպից ազատվելու ուղիներ է նշել

Որովայնի ճարպից ազատվելու համար հարկավոր է ընտրել ցածր շաքարով աղանդեր և ավելի հաճախ հատապտուղներ ուտել, ասում է խոհարար Դևին Ալեքսանդրը։ Նա 40-ից բարձր կանանց խնդիրը լուծելու նմանատիպ միջոց է նշել։

Առաջին հերթին Ալեքսանդրը խորհուրդ է տվել սննդակարգում ներառել սպիտակուցներ, քանի որ այն օգնում է մկանային զանգվածի ձևավորմանը և արագացնում նյութափոխանակությունը։ Խոհարարը խստորեն խորհուրդ է տվել հրաժարվել ալկոհոլից՝ դրա բարձր կալորիականության պատճառով: Բացի այդ, ալկոհոլը հաճախ օգտագործում են ճարպային, քաղցր և աղի խորտիկների հետ, որոնք խանգարում են նիհարելու գործընթացին։

Մասնագետն ուշադրություն հրավիրել է սննդակարգում բավարար քանակությամբ ջրի կարևորության վրա։ Նա գնահատում է, որ միջին վիճակագրական կինը պետք է օրական մոտ ինը բաժակ ջուր խմի: Խոհարարը նաև խորհուրդ է տվել կրճատել օսլա պարունակող ածխաջրերը՝ նվազեցնելու շաքարի ցանկությունը և խուսափելու չափից շատ ուտելուց:

«Գտեք մի քանի սիրելի աղանդեր, որոնք չունեն շատ ածխաջրեր կամ շաքար»,- ասել մասնագետն ու խորհուրդ տվել չվախենալ քաղցրավենիքից, այլ ընտրել աղանդերի ճիշտ տարբերակները։ Ալեքսանդրը նաև ուշադրություն է հրավիրել հակաօքսիդանտներով հարուստ հատապտուղների վրա, որոնք կարող են լավ այլընտրանք լինել քաղցրավենիքին։

Փորձագետը հորդորել է ուշադիր ընտրել ապրանքները, կարդալ բաղադրությամբ պիտակները և վերահսկել չափաբաժնի չափը։ «Ոչ մի սնունդ ինքնին քաշի ավելացում չի առաջացնում, այլ չափաբաժնի չափը: Հետևաբար, միշտ լավ գաղափար է հաշվի առնել կալորիաները մեկ մատուցման համար: Օրինակ, եթե դուք նպատակ ունեք օրական սպառել 1800 կալորիայից պակաս, իսկ աղանդերի կալորիականությունը կազմում է 450 կալորիա, ապա հավանաբար պետք է վերանայեք ձեր ընտրությունը », – խորհուրդ է տվել Ալեքսանդրը:

ԱՄԵՆԱԴԻՏՎԱԾՆԵՐԸ

ՎԵՐ