Հասարակություն

Նոր նորքի ոստիկանները հայտնաբերել են «Արաքս» բենզալցակայանից կողոպուտ կատարողին

Ոստիկանության Նոր Նորքի բաժնի քրեական հետախուզության բաժանմունքի ծառայողներն օպերատիվ տվյալներն իրացնելով՝ Երևան քաղաքի Արաբկիր վարչական շրջանում հայտնաբերել ու Ոստիկանության Նոր Նորքի բաժին են բերման ենթարկել Արաբկիր վարչական շրջանի բնակիչ՝ 26-ամյա Խաչիկ Դարբինյանին։ 

Ինչպես հայտնում է ֆոտոլրագրող Գագիկ Շամշյանը, վերջինս կասկածվում է դեկտեմբերի 6-ին, գիշերը ժամը 05։00-ի սահմաններում իր վարած BMW մակնիշի 33 PP 363 համարանիշի ավտոմեքենայով կողոպուտ կատարելու մեջ։

Նա BMW-ով մոտեցել է Մյասնիկյան պողոտայում գործող «Արաքս» ՍՊԸ-ին պատկանող բենզալցակայան և աշխատակցին՝ 34-ամյա Ա. Կ.-ին, խնդրել է, որ նա իր ավտոմեքենան լիցքավորի 20 հազար դրամի չափով։

Լիցքավորման ավարտից հետո Խ. Դարբինյանը դիմել է փախուստի՝ հափշտակելով 20 հազար դրամ գումարի չափով բենզին։

Փաստի առթիվ Ոստիկանության Նոր Նորքի բաժնի հետաքննչական բաժանմունքում նյութեր են նախապատրաստվում։ 

ԱՄԵՆԱԴԻՏՎԱԾՆԵՐԸ

ՎԵՐ