Վրացական «Ցխինվալի» ֆուտբոլային ակումբի ֆուտբոլիստները, որոնք մարզական հավաքների մասնակցելիս են եղել Թուրքիայում, Անթալիայում սուպերմարկետներից մեկում կատարված գողության մեջ են մեղադրվում։ Թուրքական ոստիկանությունը նախ ձերբակալել է նրանց, ապա ազատ է արձակել՝ երկրից չհեռանալու պայմանով։
Նրանց գողությունը բացահայտվել է այն բանից հետո, երբ սուպերմարկետում նկատել են որոշ ապրանքների կորուստը։ Տեսախցիկների տեսագրությունները ուսումնասիրելիս նրանք տեսել են, թե ինչ մեքենայով են հեռացել գողության մասնակիցները։ Այդ մեքենայի հետքերով գնալուց հետո թուրքական իրավապահները 5 աստղանի հյուրանոցում հայտնաբերել են վրացի ֆուտբոլիստներին։
Անթալիայում Վրաստանի հյուպատոսարանից տեղեկացրել են, որ իրենք կապի մեջ են ֆուտբոլիստների հետ, սակայն նրանց մեղադրանքների մասին քիչ բան է հայտնի։ Նրանց ազատ են արձակել՝ չհեռանալու մասին ստորագրությամբ, սակայն թե որքան ժամանակով է սահմանված այս արգելանքը, հայտնի չէ։
Հաղորդում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
