fbpx
Հասարակություն

Վրաստանի խորհրդարանը մարիխուանայի օգտագործումը կարգավորող օրինագիծ է ընդունել

Վրաստանի խորհրդարանն ընդունել է երկրում մարիխուանայի օգտագործումը կարգավորող օրինագիծը: Այն ընդունվել է երրորդ և վերջնական ընթերցմամբ, փոխանցում է «Ռուսթավի 2»-ը:

Մարիխուանա օգտագործել թույլատրվում է միայն անձնական տարածքում, որը ձեռնարկատիրական գործունեության վայր չէ: Հասարակական վայրերում, տրանսպորտում, կրթական հաստատություններում թմրանյութն օգտագործողին 800-2000 լարիի (300-750 դոլար) չափով տուգանք է սպառնում:

21 տարին չլրացած անձինք իրավունք չունեն մարիխուանա օգտագործել, հակառակ պարագայում տվյալ անձանց 500-1500 լարի (190-560 դոլար) տուգանք է սպառնում:

Աշխատավայրում մարիխուանայի օգտագործման համար նախատեսված է 1000-1500 լարիի չափով տուգանք (375-560 դոլար):

Օրինագիծը կառավարության նախաձեռնությամբ սեպտմբերին մշակել է երկրի ներքին գործերի նախարարությունը:

ԱՄԵՆԱԴԻՏՎԱԾՆԵՐԸ

ՎԵՐ