Հուլիսի 16-ին վթար էր տեղի ունեցել Երևան-Իջևան ավտոճանապարհին։ «ԳԱԶել»-ը դուրս էր եկել երթևեկելի գոտուց, բախվել արգելապատնեշին, ընկել ձորակն ու հրդեհվել։
Այս մասին հայտնում են Ոստիկանությունից։
Նշվում է, որ 21-ամյա վարորդը և 25-ամյա ուղևորը մարմնական վնասվածքներով տեղափոխվել էին հիվանդանոց:
Հուլիսի 22-ին հայտնի է դարձել, որ ուղևոր Հայկ Պողոսյանը մահացել է։
Ոստիկանությունից հայտնում են, որ քննություն է կատարվում։