Հրաժարական տված Ռաուլ Խաջիմբան մտադիր չէ իր թեկնածությունն առաջադրել Աբխազիայի նախագահի կրկնական ընտրություններում, որոնք նշանակված են մարտի 22-ին: Այս մասին հայտնել է հանրապետության փոխնախագահ Ասլան Բարցիցը։
«Ռաուլ Ջումկովիչն իր երկրի քաղաքացին է, նա մնում է իր երկրում: Դա չի նշանակում, որ նա նստելու է ձեռքերը ծալած, նա մասնակցելու քաղաքական գործընթացին, որպեսզի երկրում կարգուկանոն և օրինականություն լինի»,-ասել է նա:
Աբխազիայի նախագահ Ռաուլ Խաջիմբան պետության ղեկավարի լիազորությունները վայր է դրել հունվարի 12-ին և համապատասխան հայտարարությունն ուղարկելէ հանրապետության խորհրդարան: Երկրի բնակիչներին հղած իր ուղերձում նա շնորհակալություն է հայտնել բոլոր նրանց, ովքեր աջակցել են իրեն, սակայն նշել է, որ երկրում մնացել են չլուծված շատ խնդիրներ: