Կառավարության շենքի առջև ժ. 13:00-ից բողոքի ցույց են իրականացնում «Ղեկը աջ» նախաձեռնության անդամները: Նրանք հանդիպում են պահանջում վարչապետ Նիկոլ Փաշինյանի հետ: Նրանց համոզմամբ՝ վարչապետը չի պահպանում իրենց հետ ձեռք բերված պայմանավորվածությունը, այն է՝ մինչև դեկտեմբերի 31-ը գնված 800 մեքենայի ներկրումը:
Ակցիայի մասնակիցները նշում են՝ հաշվի առնելով, որ նախագիծը հետ ուղարկվեց լրամշակման, հիմա իրենք մտավախություն ունեն, որ թույլ չեն տալու մեքենաները բերել Հայաստան: Նրանց խոսքերով՝ 820 մեքենա կա այժմ սահմանին: Նրանց մտահոգում է նաև անցնող ժամանակը:
Նրանք նշում են՝ հարցին լուծում տալը երկար է տևում, իսկ այս ընթացքում մաքսատանը իրենց մեքենաները թալանում են:
![](https://azat.tv/wp-content/uploads/2022/09/azattvlogoblack.png)