Բրազիլացի լեգենդար ֆուտբոլիստ Ռոնալդոն սկսում է իր ճանապարհորդությունը Վալյադոլիդից դեպի Սանտյագո դե Կոմպոստելա` հեծանիվով։
Ռոնալդոն` ում պատկանում է «Վալյադոլիդի» բաժնետոմսերի 51%-ը, կանցնի 450 կիլոմետր:
«Ես խոստացել էի, որ կանցնեմ սուրբ Հակոբոսի ճանապարհով, եթե վերադառնանք Լա Լիգա: Քանի որ ես չեմ կարող վազել, ես դա կանեմ հեծանիվով:
Հիանալի կլինի։ Գիտեմ, որ դժվար կլինի, բայց տպավորությունները կլինեն անմոռանալի»,- փոխանցում է Ռոնալդոի խոսքերը The Guardian-ը։
«Վալյադոլիդը» Սեգունդայի վերջին խաղում հաղթեց «Ուեսկային» 3:0 հաշվով և մրցաշրջանն ավարտեց երկրորդ հորիզոնականում։ Այսպիսով` ակումբը 1 տարվա դադարից հետո վերադարձավ Լա լիգա:
