«Յուվենտուսի» նախկին ավագ Ջորջիո Կյելինին վերադարձել է թուրինյան ակումբ՝ ստանալով ղեկավար պաշտոն ակումբում։
Նախկին պաշտպանը աշխատելու է ազգային և միջազգային ֆուտբոլային կազմակերպությունների հետ կապերի բաժնում՝ որպես ղեկավար։
«Կյելինին երբեք իրականում չի լքել բյանկոներիներին. նրա սիրտը, հոգին և արժեքները միշտ կապված են եղել ակումբի հետ՝ ինչպես խաղադաշտում, այնպես էլ դրանից դուրս»,- ասվում է ակումբի հայտարարության մեջ:
Կյելինին իր աշխատանքը որպես բաժնի ղեկավար կսկսի սեպտեմբերի 16-ին։
