Ալեն Սիմոնյանն օգոստոսի 30-ին աշխատանքային փակ քննարկում է նախաձեռնել 44-օրյա պատերազմում անհետ կորած և գերեվարված զինծառայողների հարազատների հետ:
ՀՀ Ազգային ժողովից հայտնում են, որ քննարկմանը մասնակցում էին երեք խմբակցություններից պատգամավորներ, պատասխանատու գերատեսչությունների բարձրաստիճան ներկայացուցիչներ:
Նշվում է, որ քննարկման ավարտին որոշվեց, որ ձևավորվելիք՝ 2020 թվականի սեպտեմբերին վերսկսված պատերազմական գործողությունների հանգամանքների ուսումնասիրման քննիչ հանձնաժողովի աշխատանքներին պետք է մասնակցեն նաև զինծառայողների հարազատները: