Օգոստոսի 27-ին ՀՀ ՊՆ-ն հաղորդագրություն է տարածել, որում հայտնել է, որ Դիլիջանում անցկացվել է «Խաղաղության մարտիկ» մրցույթի ռազմամասնագիտական «Պրոֆեսիոնալ» մրցաձևի երրորդ՝ «Կողմնորոշում տեղանքում» մրցափուլը:
«Բացառապես քարտեզի և կողմնացույցի օգնությամբ մասնակիցները հաղթահարել են բարդ լեռնային տեղանքում կահավորված արգելագոտին` ստուգողական կետերում նշումներ կատարելով քարտեզի վրա:
Մրցավարական հանձնաժողովը մասնակից թիմերի գործողությունները գնահատելիս հաշվի է առել մրցագոտու հաղթահարման ժամկետը և քարտեզի վրա կատարված նշումներով կողմնորոշվելու հմտությունները:
- Արշակ Կարապետյանն ընդունել է ՀԱՊԿ Միացյալ շտաբի պետի առաջին տեղակալին
- ՊՆ-ն պատրաստ է իր սպառազինությունը համալրել տեղական արտադրության ԱԹՍ-ներով. ԲՏԱ նախարար
«Պրոֆեսիոնալ» մրցաձևի բոլոր երեք մրցափուլերի՝ «Մարտական պատրաստության համալիր վարժություններ», «Բուժօգնության կազմակերպում» և «Կողմնորոշում տեղանքում», արդյունքների ամփոփումից և համադրումից հետո մրցաձևի հաղթող է ճանաչվել ՀՀ զինված ուժերի հավաքական թիմը: Երկրորդ տեղում` Ղազախստանի, երրորդ տեղում` Ռուսաստանի թիմերն են:
«Խաղաղության մարտիկ» մրցույթի առաջին` «Տեր և տիկին» մրցաձևում նույնպես լավագույն արդյունք է գրանցել Հայաստանի թիմը»,- ասված է հաղորդագրության մեջ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
