«Մանչեսթեր Սիթիի» գլխավոր մարզիչ Խոսեպ Գվարդիոլան մամուլի ասուլիսի ժամանակ պատասխանեց լրագրողների հարցերին՝ Հարի Քեյնի և Կրիշտիանու Ռոնալդուի հնարավոր տրանսֆերների վերաբերյալ:
Նա ասել է, որ նշանակալից բան չի կարող ասել։
«Քեյնը հայտարարեց, որ մնալու է իր ակումբում ՝ «Տոտենհեմում»: Կրիշտիանուն «Յուվենտուսի» խաղացող է, և ավելին չեմ կարող ասել: Կարող եմ միայն նշել, որ տրանսֆերային պատուհանի փակվելուց առաջ այս 3-4 օրերի ընթացքում ամեն ինչ կարող է պատահել: Այժմ ես ավելի քան գոհ եմ ներկայիս կազմից:
Ակումբն ամեն ինչ արեց, սակայն «Տոտենհեմի» հետ կոնկրետ խոսակցություններ չեղան: Առաջարկ էլ չի եղել, քանի որ նրանք չեն ցանկացել բանակցել: Եվ եթե այդպես է, ուրեմն խոսելու բան չկա:
Քեյնը «Տոտենհեմի» խաղացող է, և ես նրան լավագույնն եմ մաղթում։Ինչ վերաբերում է Ռոնալդուին, ապա ամեն ինչ նույնն է: Կրիշտիանուն ինքը կորոշի, թե որտեղ է ցանկանում խաղալ՝ ոչ ես, և ոչ «Մանչեսթեր Սիթին» դա չենք որոշելու: Մեզանից շատ բան կախված չէ», –ասել է Գվարդիոլան։
Այս մասին տեղեկացնում է ակումբի մամուլի ծառայությունը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
