fbpx
Աշխարհ

Իրանի զինված ուժերի զորահանդես Է սկսվել Թեհրանում և երկրի այլ քաղաքներում

Սեպտեմբերի 22-ին Թեհրանում Իսլամական Հեղափոխության հիմնադիր իմամ Խոմեյնիի դամբարանի մոտ և ամբողջ Իրանի Իսլամական Հանրապետությունում (ԻԻՀ) սկսվել է զորահանդես՝ բանակի, ինչպես նաև Իսլամական հեղափոխության պահապանների զորակազմի (ԻՀՊԶ, Իրանի զինված ուժերի ընտիր զորամասեր) ռազմածովային և ռազմատիեզերական ուժերի մասնակցությամբ:

Ինչպես նշում Է IRNA գործակալությունը, զորահանդեսը նվիրված է Սրբազան պաշտպանության շաբաթին, որը նախօրյակին սկսվել Է 1980 թվականին բռնկած իրանա-իրաքյան զինված հակամարտության տարելիցի օրը: Ավանդաբար այդ օրերն Իրանում անցկացվում են երկրի ռազմական ներուժի ցուցադրման միջոցառումներ, այդ թվում՝ ռազմական տեխնիկայի զորահանդես Թեհրանում և ռազմանավերի ստուգատես Բենդեր Աբասում:

Բացի դրանից Բանակի և ԻՀՊԶ-ի հրամանատարության ներկայացուցիչները հաշիվ են տալիս պաշտպանական նախագծերի իրականացման, ազգային պաշտպանա-արդյունաբերական համալիրի վերջին նվաճումների մասին: «Սրբազան պաշտպանությունը դրեց իրանցի ժողովրդի նոր կյանքի սկիզբը, որը կոչված է կերտելու պատմությունը և ավանդ ներդնելու ուժերի գլոբալ հավասարակշռության փոփոխության մեջ,- մեջբերում է անում IRNA-ն զորահանդեսում Իրանի զինված ուժերի Գլխավոր շտաբի պետ գեներալ մայոր Մոհամադ Բաղերիի խոսքից:- Սրբազան պաշտպանությունը բոլորին ապացուցեց, որ արժանի կյանք ապրելու և անվտանգություն, հարմարավետություն և առաջընթաց վայելելու համար անհրաժեշտ է լինել ուժեղ և հզոր, տալ հակահարված:

Մեր ռազմական հզորությունը նախատեսված է միայն պաշտպանության համար, և այժմ օդը, երկիրը, ծովն ու տիեզերքը վկաներն են Իրանի Իսլամական Հանրապետության հզորության աճի»: «Ինչպես մենք բազմիցս հայտարարել ենք, չեն հանդուրժի տարածաշրջանի սահմանների փոփոխություն, և մենք երկու երկրներին՝ Ադրբեջանին և Հայաստանին, խորհուրդ ենք տալիս լուծել իրենց խնդիրները խաղաղ միջոցներով և երկխոսության ճանապարհով,- նշել է ԻԻՀ զինված ուժերի Գլխավոր շտաբի պետը:

– Մենք հակամարտություններ և պատերազմներ չենք սանաձազերծում, բայց և լռության չենք մատնում, երբ դրանք սկսվում են: Մենք ցանկանում ենք, որ տարածաշրջանը լինի ազատ սպառնալիքներից և բարեկամությամբ ու համագործակցությամբ լի Արևմտյան Ասիայում»:

ԱՄԵՆԱԴԻՏՎԱԾՆԵՐԸ

ՎԵՐ