ՀՀ ոստիկանությունը հայտնել է, որ հունիսի 12-ին ոստիկանության Վաղարշապատի բաժնում կողոպուտի վերաբերյալ ահազանգ ստացվեց։
«Դեպքի վայր մեկնած օպերատիվ խումբը պարզեց, որ մի կին մոտեցել էր բանկոմատից գումար կանխիկացնող մի կնոջ և օգնություն խնդրել, որ կարողանա նույն բանկոմատից օգտվել։ Ապա հրել էր բանկոմատից արդեն իսկ փող կանխիկացրած կնոջը, հափշտակել նրա 20 հազար դրամանոցն ու փախել:
«Տուժողից հաղորդում ընդունվեց։ Վաղարշապատի քրեական հետախույզների ձեռնարկած միջոցառումների շնորհիվ պարզվեց կողոպուտը կատարելու մեջ կասկածվողի ինքնությունը։ 41-ամյա կինը հայտնաբերվեց մայրաքաղաքում ու բերման ենթարկվեց ոստիկանության Վաղարշապատի բաժին։ Նա խոստովանել է կատարածը։
- Քաղաքացու ինքնության մասին տեղեկություն ունեցողներին ոստիկանությունը խնդրում է դիմել բաժին (ՏԵՍԱՆՅՈՒԹ)
- Ոստիկանությունը տղամարդուն ճանաչողներին խնդրում է դիմել բաժին (ՏԵՍԱՆՅՈՒԹ)
Հանգամանքները քննությամբ պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»,- ասվում է հաղորդագրության մեջ:
![](https://azat.tv/wp-content/uploads/2022/09/azattvlogoblack.png)