Մինչ այժմ մոտավորապես 2600 լրագրող Է հավատարմագրվել Հանոյում ԱՄՆ-ԿԺԴՀ գագաթնաժողովը լուսաբանելու համար: Այդ մասին, ինչպես տեղեկացնում Է «Արմենպրես»-ը, փետրվարի 22-ին հայտնել Է «Սինհուա» գործակալությունը:
«Վիետնամի իշխանությունները անհրաժեշտ ամեն ինչ կանեն գագաթնաժողովում լրագրողների հաջող աշխատանքի համար»,- գործակալությունը մեջբերել Է Վիետնամի արտաքին գործերի փոխնախարար Լե Հոայ Չունգի խոսքը, որը հանդես Է եկել Հանոյում կայացած մամուլի ասուլիսում:
Նա հիշեցրել Է, որ Վիետնամի վարչապետ Նգուեն Սուան Ֆուկը ցուցում Է տվել երկրի նախարարություններին ու գերատեսչություններին՝ բոլոր միջոցները ձեռնարկել ԱՄՆ-ի նախագահ Դոնալդ Թրամփի և ԿԺԴՀ-ի առաջնորդ Կիմ Չեն Ունի հանդիպման անվտանգությունն ապահովելու և գագաթնաժողովի հաջող անցկացման համար: Նախօրյակին YTN հարավկորեական հեռուստաալիքը՝ հղում անելով Վիետնամի և ԱՄՆ-ի քաղաքական շրջանների մի քանի աղբյուրների, հայտնել Է, թե գագաթնաժողովը, որը նախատեսված Է փետրվարի 27-28-ին, կարող Է կրճատվել մինչև մեկ օր:
Նրանց տվյալներով՝ ավելի վաղ պլանավորվում Էր, որ ղեկավարները միմյանց հետ կշփվեն փետրվարի 27-ին և 28-ին, սակայն պլանները փոխվել են և այժմ, ամենայն հավանականությամբ, Կիմ Չեն Ունը և Թրամփը կսահմանափակվեն միայն մեկ օրով:
Ի հաստատումն այս վարկածի, հեռուստաալիքը վկայակոչում Է Հանոյում ԱՄՆ-ի պատվիրակության գտնվելու ծրագիրը, որը հայտնվել Է նրա տրամադրության տակ: Փաստաթղթի համաձայն, Թրամփը փետրվարի 27-ին հանդիպումներ կանցկացնի Վիետնամի ղեկավարության հետ, իսկ Կիմ Չեն Ունի հետ բանակցությունները պլանավորված են հաջորդ օրը: ԱՄՆ-ի նախագահը փետրվարի 19-ին Սպիտակ տանը հայտարարել Է, որ չի շտապում Կորեական թերակղզու միջուկազերծման հարցում:
«Ես առանձնապես չեմ շտապում: (ԿԺԴՀ-ում միջուկային և հրթիռային) փորձարկումներ չեն կատարվում: Առայժմ փորձարկումներ չկան, ես չեմ շտապում… Ես խիստ ժամկետներ չունեմ»,- նշել Է նախագահը՝ խոսելով այն մասին, որ միջուկազերծումն իր նպատակն Է: «Կարծում եմ, որ Հյուսիսային Կորեան և (ԿԺԴՀ-ի Պետխորհրդի) նախագահ Կիմ (Չեն Ունն) ինչ-որ շատ դրական բան են մտադրվել: Եվ մենք շուտով դա կիմանանք»,- ընդգծել Է Թրամփը: Նա «շատ գրավիչ» Է որակել ամերիկա-հյուսիսկորեական առաջիկա գագաթնաժողովը, որի շնորհիվ, նրա խոսքով՝ «շատ բան կարող Է տեղի ունենալ»:
Ավելի ուշ Թրամփը հայտարարել Է, թե կցանկանար վերացնել ԿԺԴՀ-ի նկատմամբ սահմանված ամերիկյան պատժամիջոցները, բայց այդ երկրի իշխանությունները պետք Է առաջինն ընդառաջող քայլեր անեն: «ԱՄՆ-ի պատժամիջոցները դեռևս մնում են: Ես կցանկանայի վերացնել դրանք, բայց նախ պետք Է ընդառաջ քայլեր տեսնեմ մյուս կողմից»,- ասել Է նա: «Ես կարծում եմ, որ Հյուսիսային Կորեան շատ մեծ տնտեսական ներուժ ունի իր դիրքի շնորհիվ՝ շուրջը Ռուսաստանն Է, Չինաստանը և Հարավային Կորեան: Կարծում եմ, որ նա (Կիմ Չեն Ունը) դա հասկանում Է»,- նշել Է ԱՄՆ-ի նախագահը:
Թրամփի և Կիմ Չեն Ունի երկրորդ հանդիպումը տեղի կունենա փետրվարի 27-28-ին Վիետնամի մայրաքաղաքում: Ինչպես հայտնել Է NHK հեռուստաալիքը, Հանոյը որպես գագաթնաժողովի անցկացման վայր Է ընտրվել Փհենյանի նախաձեռնությամբ: ԱՄՆ-ի նախագահի և ԿԺԴՀ-ի առաջնորդի՝ պատմության մեջ առաջին հանդիպումը տեղի Է ունեցել անցյալ տարվա հունիսի 12-ին Սինգապուրում, հաղորդել Է ՏԱՍՍ-ը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
