Հաստատվել է 2024 թ․ բյուջեի հաշվետվությունը

Կառավարությունը հաստատել է 2024 թ․ բյուջեի կատարման հաշվետվությունը

ՀՀ կառավարությունը հավանություն է տվել Հայաստանի Հանրապետության 2024 թվականի պետական բյուջեի կատարման տարեկան հաշվետվությանը, որը կներկայացվի ՀՀ Ազգային ժողով՝ սահմանված իրավական ընթացակարգերի շրջանակում։ Համաձայն «Ազգային ժողովի կանոնակարգ» սահմանադրական օրենքի 116-րդ հոդվածի 1-ին մասի և «ՀՀ բյուջետային համակարգի մասին» օրենքի 25-րդ հոդվածի 1-ին մասի՝ տարեկան հաշվետվությունը պետք է ներկայացվի մինչև հաջորդ տարվա մայիսի 1-ը։

Ներկայացվել է նաև մասնավորեցման ծրագրի հաշվետվության նախագիծը

Բացի բյուջեի հաշվետվությունից՝ գործադիրը հաստատել է նաև «Պետական գույքի մասնավորեցման 2017-2020 թթ. ծրագրի կատարման 2024 թ. տարեկան հաշվետվությունը հաստատելու մասին» ՀՀ օրենքի նախագիծը։ Օրինագիծը սահմանված կարգով կներկայացվի Ազգային ժողովի քննարկմանը։

Այս հաշվետվությունները կարևոր են ֆինանսական հաշվետվողականության և պետական ֆինանսների կառավարման թափանցիկության ապահովման տեսակետից։

Աղբյուր՝ ՀՀ կառավարություն՝ 2025 թ․ ապրիլի 23