Լարսի ավտոճանապարհի «Վերին Լարս» անցակետ տանող ճանապարհին բարդ իրավիճակ է ստեղծվել՝ վատ եղանակի պատճառով։
Բանն այն է, որ շուրջ 3 հազար բեռնատարներ են կուտակվել և չեն կարողանում առաջ շարժվել։
Այս մասին Sputnik-ին հայտնել է Ռուսաստանում Հայաստանի դեսպանության մաքսային հարցերով կցորդ Արամ Թանանյանը։
Վերջինս նշել է, որ նման իրավիճակ է արդեն 2 օր շարունակ ու, ամենայն հավանականությամբ, առաջիկա օրերին իրավիճակն անփոփոխ կմնա։
Նա հայտնել է նաև, որ սպասող բեռնատարների 20 տոկոսը հայկական են։