Փարիզում պրեֆեկտուրայի շենքի վրա հարձակման զոհ է դարձել չորս ոստկան: Այս մասին հայտնել է France Info ռադիոկայանը:
«Սպանված է հինգ մարդ, այդ թվում՝ չորս ոստիկան և հարձակվողն ինքը»,-նշում է ռադիոկայանը։
Հարձակումը կարող էր տեղի ունենալ պրեֆեկտուրայի աշխատակիցների միջև ներքին կոնֆլիկտի պատճառով: Սա է իրադարձությունների գլխավոր վարկածը, որն այժմ դիտարկվում է հետաքննության մեջ:
Հարձակում կատարած անձն ինքը, վերջին տեղեկությունների համաձայն, պրեֆեկտուրայի վարչական աշխատակից էր: Ոստիկանների վրա հարձակումը նա կատարել է կերամիկական դանակով, որը չէր հայտնաբերվել պրեֆեկտուրա մտնելիս մետաղադետեկտորով ստուգման ժամանակ:
Հարձակումը տեղի է ունեցել շենքի հատկապես խիստ հսկվող գոտում, որտեղ պրեֆեկտուրայի հետախուզության վարչությունն է: Այժմ պրեֆեկտորայի շենքի շուրջն ստեղծվել է արգելված գոտի, որը հսկում է շուրջ 200 ոստիկան:
ԽՈՐՀՈւՐԴ Է ՏՐՎՈւՄ ԿԱՐԴԱԼ
