Բելգիայում առաջին անգամ կին վարչապետ է նշանակվել

Բելգիացի քաղաքական գործիչ Սոֆի Վիլմեսը նշանակվել է Բելգիայի վարչապետի պաշտոնակատար։ Այս մասին հայտնում է թագավորական պալատի Twitter-ի էջը։

Վարչապետ Շառլ Միշելը լքում է այդ պաշտոնը, քանի որ ընտրվել է Եվրոպայի խորհրդի նախագահ։ Նա Եվրոպայի խորհրդի նախագահի լիազորություները կստանձնի դեկտեմբերի 1-ին։

Վիլմեսը լիբերալ հայացքների տեր է։ Նա կառավարությունում գլխավորել է բյուջե հարցերով նախարարությունը։

Նոյեմբերից նա կգլխավորի ժամանակավոր կառավարությունը, քանի դեռ նախարարական մշտական կաբինետ չի ձևավորվել։ Դրա շուրջ բանակցություններն ընթանում են մայիսից։