Ես մեծ հարգանք ունեմ Ժոզե Մոուրինյույի նկատմամբ: Նա նվաճել է բազմաթիվ տիտղոսներ և հսկայական ազդեցություն թողել եվրոպական ֆուտբոլի վրա: Այս մասին ասել է «ՌԲ Լայպցիգ»-ի գլխավոր մարզիչ Յուլիան Նագելսմանը։
Նա նաև պատմել է Չեմպիոնների լիգայի փլեյ-օֆֆի «Տոտենհեմ»-ի դեմ խաղից իր ակնկալիքների մասին։
«Ես ամեն խաղից առաջ մի փոքր նյարդայնանում եմ: Բայց դա, իհարկե, ամենակարևոր հանդիպումը չէ մեր ակումբի պատմության մեջ: Մենք ցանկանում ենք դուրս գալ քառորդ եզրափակիչ, բայց նախ անհրաժեշտ է հաջողությամբ անցկացնել առաջին հանդիպումը»,-ասել է Նագելսմանը։ Այս մասին հաղորդում է ՈւԵՖԱ-ի պաշտոնական կայքը:
Հավելենք, որ այսօր՝ փետրվարի 19-ին, «Տոտենհեմը» կանցկացնի Չեմպիոնների լիգայի 1/8 եզրափակչի առաջին հանդիպումը «ՌԲ Լայպցիգի» դեմ խաղում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
