Միլանը գումար է նվիրաբերել կորոնավիրուսի դեմ պայքարի համար

Տարածաշրջանային արտակարգ իրավիճակների գործակալությանը «Միլան» ֆուտբոլային ակումբը 250 հազար եվրո է նվիրաբերել։ Այս մասին հայտնում է ակումբի պաշտոնական կայքը, նրանք գումարը նվիրաբերել են կորոնավիրուսի համաճարակի դեմ պայքարի համար։

«Կյանքում կան ավելի կարևոր բաներ, քան ֆուտբոլը: Ժամանակն է, երբ բոլորս պետք է հոգ տանենք մեր մասին, մենք բոլորս պետք է գործենք առավելագույն պատասխանատվությամբ և լսենք համապատասխան մարմինների խորհուրդները: Ակումբի անունից ես հպարտ եմ ասել, որ այս նվիրատվությամբ ես աջակցում եմ AREU-ին: Մեր սիրելիների առողջությունն ու անվտանգությունը մեր գերակայությունն է: Մենք հասկանում ենք, որ այժմ շատ դժվար է մեր երկրպագուների համար: «Միլանն» ավելին է, քան ֆուտբոլային ակումբ: Սա մարդկանց մի համայնք է, ովքեր հոգ են տանում միմյանց մասին, և մենք նաև ներկայացնում ենք Միլան մեծ քաղաքը ամբողջ աշխարհում», – ասվում է ակումբի գործադիր տնօրեն Իվան Գազիդիսի հայտարարությունում:

Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus։