Արցախի տեղեկատվական շտաբի Facebook-ի էջում գրված է․
«Արցախի առողջապահության նախարարությունից տեղեկացնում են, որ լաբարատորիայում իրականացվող ախտահանիչ միջոցառումների պատճառով, նախորդ օրը ՀՀ ուղարկված փորձանմուշի հետազոտության արդյունքները դեռևս չեն ստացվել:
Այս պահի դրությամբ, կորոնավիրուսով վարակված 5 քաղաքացիներից մեկի վիճակը միջին ծանրության (Քարվաճառ) է, քանի որ ուղեկցող քրոնիկ հիվանդություններ ունի և հիվանդանոց է դիմել երկկողմանի թոքաբորբով, առաջին վարակվածի մոտ թոքաբորբ կա, որն առավելապես կապված է կորոնավիրուսին հատուկ զարգացմամբ, մյուս քաղաքացիների վիճակը բավարար է:
Նախարարությունից նաև տեղեկացնում են, որ մեկուսացման և ինքնամեկուսացման մեջ գտնվող քաղաքացիները գտնվում են շուրջօրյա հսկողության տակ: Այս պահի դրությամբ, քաղաքացիներից նմուշառումներ անելու նոր դեպքեր չկան:
Կեղծ և չստուգված լուրերից խուսափելու համար կրկին կոչ ենք անում հետևել պաշտոնական լրահոսին, որը ներկայացվում է Արցախի Հանրապետությունում ձևավորված նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբի միջոցով»:
https://www.facebook.com/ArtsakhInformation/photos/a.105197087787747/126131232360999/?type=3&__xts__%5B0%5D=68.ARDRPyG9u7BKxO52zqQ-fkFesFgRVXClFV7zFR0-xhfmwRIIXKlkyjASogap5DwOwk8X43E51msox7mpKyFhQw_MHGrhWrMsrG7jfOTC0Kw7_ALkqWs6mvtWaUrDmZyMIY6UfuX9hJ28RvGJ4kipyD9IepyiGgHGtHgjEMU8ZViFAFoyDnLKzUZ8xn32Xb65roL9vrhu_LIUOkri0zq1mwOqKVYR6d7HyFAhOBECz1ESNukHtgV4U70Nc6Ls1iZC3Jozk3cpCXaxvXbhUTT8U07UiURDcrP1CSLNxVGBBxX1iWpvLLrjuuHP2husQz_ycoicdQy5SVvbddIkmjePWGU&__tn__=-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
