Արցախի էկոնոմիկայի և գյուղատնտեսության նախարարությունից հայտնում են, որ Արցախում գարնանացան մշակաբույսերի ցանքի նպատակով կատարվել է ավելի քան 1 400 հեկտար հերկ, որից ցանքս է իրականացվել ընդհանուր առմամբ 445,6 հա տարածքում:
«Ընդհանուր առմամբ, այս տարի նախատեսվում է իրականացնել 2 100 հեկտար գարնանացան, ընդ որում՝ 100 հեկտարը բանջարաբոստանային մշակաբույսեր: Արդեն իսկ իրականացվել է, մասնավորապես, 352,6 հա հացահատիկային մշակաբույսերի, 13 հա արևածաղկի, 38 հա կտավատի, 23 հա սիսեռի, 19 հա կերային մշակաբույսերի ցանքս»,-հայտնեցին էկոնոմիկայի և գյուղատնտեսության նախարարությունից` հավելելով, որ նշված ցուցանիշները մեկնարկային են, և, կատարվող աշխատանքներին զուգընթաց, պարբերաբար կներկայացվեն թարմացված տվյալներ:
